Cangkriman

Cangkriman Wancahan

Wancah iku tegese cekak. Wancahan iku kudu dibatang kang disusun seka gatra kang ana. Contone:

·       kabaketan = nangka tiba nang suketan.

·       pakboletus = tapak kebo ana lelene satus.

·       burnaskopen = bubur panas kokopen.

Cangkriman Pepindhan

Cangkriman pepindhan iku cangkriman kang awujud ukara kang memper kaya kanyatane. Contone:

·       Sega sekepel dirubung semut = salak.

·       Pitik walik saba kebon = nanas.

·       Bocah cilik tlusap-tlusup nang kebon = dom (jarum).

·       Wit adhikih woh adhakah = waloh.

·       Wit adhakah woh adhikih = ringin.

Cangkriman Blenderan

Contone: Cangkriman blenderan iki cangkriman iki sejatine ukara pranyatan kang bisa gawe bingung yen macane salah.

1.    Rasane padha karo jenenge = sepet

2.    Biru bisane wungu dikapakke? Digebug, biru = babi turu, wungu = tangi.

3.    Yen mlaku sikile loro, yen mandheg sikile sepuluh. = wong mikul tumbu

utawa wadhah liyane sing sikile papat.

4.    Enak endi, daging kucing karo daging pitik? = yen jawabe daging pitik, tegese sampeyan wis nate mangan daging kucing.

5.    Burnas kopen, = bubur panas kokopen

6.    Jinekpa surba ngisi = kaji menek klapa, susure tiba, ditangisi.

7.    Jipat surlat kenthol = kaji mlumpat, susure mencelat, tekene ngganthol.

8.    Langdikum ditasbir = lulang dikum, dientas njebibir.

9.    Suru bregitu = asu turu dibregi watu

10.    krikil = keri-keri neng sikil

11.    kripik=keri-keri tur apik,

12.    getuk = kaget mergo ngantuk

13.    gembung = gelem di ambung

14.    kemah = kenak'an nek mlumah

15.    kendor mawat = kerjone kendor mangane kuat

16.    kopiah = kokehan pipine diowah-owah

17.    gembrot = gedhe tur nggemberot

18.    kolong peli = wingko bolong disumpeli